El Regato Ikastetxean Bitartekaritza Eskolarako proiektu berria jarri dugu martxan, elkarbizitza positibo, parte-hartzaile eta errespetuzkoa eraikitzen jarraitzeko helburuarekin.

Egitasmo honen bidez, gure ikasleei gatazkak modu eraikitzailean kudeatzeko tresnak eskaini nahi dizkiegu, entzute aktiboa, adierazpen emozionala eta irtenbide partekatuen bilaketa bezalako gaitasunak garatuz.

Zer da bitartekaritza eskola?

Bitartekaritza eskola gatazkan dauden bi pertsonen arteko borondatezko prozesua da, non hirugarren pertsona inpartzial baten (bitartekariaren) laguntzarekin, elkarrizketaren bidez, irtenbide baketsu eta adostu bat bilatzen duten.

Gure ikastetxean, ikasleak izango dira bitartekari, beti ere irakasle talde batek koordinatu eta lagunduta. Horretarako, ikasle horiek prestakuntza espezifikoa jasoko dute honako arloetan:

• Komunikazio errespetuzkoa eta emozioen adierazpena.
• Entzute aktiboa eta enpatia.
• Gatazken irtenbide sortzaileak bilatzea.
• Eskolako elkarbizitzan parte-hartze aktiboa.

Etorkizuneko bitartekariak hautatzen hasiak gara

Azken egunetan, aurre hautatutako ikasleak elkarrizketatzen hasi gara, bitartekaritza taldean parte hartzeko. Konpromisoa, enpatia eta entzute-gaitasuna duten ikasleak bilatzen ari gara, ikastetxeko giroa hobetzen laguntzeko gogoz daudenak.

Ziur gaude egitasmo honek ez duela soilik elkarbizitza hobetuko, baizik eta parte hartzen duten ikasleen garapen pertsonalerako aukera oso baliotsua izango dela.

Irakasle taldetik eta zuzendaritzatik, parte hartzen ari zareten guztioi zorionak eman nahi dizkizuegu eta zuen inplikazioa eskertu.

Hurrengo asteetan bitartekaritza taldeko kideak aurkeztuko ditugu eta proiektuaren jarraipenaren berri emango dugu.