Diploma Dualean - American High School Diploma - parte hartu duten ikasleek joan den otsailean amaitu zuten ikastaroaren lehen seihilekoa, eta ezin izan dute modu hobean egin, %100 gaindituta! Eta 8,5etik gorako batez besteko kalifikazioarekin! Nabarmen gainditu dituzte ezarritako aurreikuspenak.

Programa hau unibertsitate-sistemaren oso antzera antolatuta dago; izan ere, bertan ikasten dituzten irakasgaiak kredituen bidez ebaluatzen dira eta egutegia sei hilekoa da. Joan den urriaren 10ean hasitako lehen seihilekoa amaitu ondoren, gure ikasleek hamar opor-egun hartu ahal izan dituzte deskonektatzeko, eta ikasturteko bigarren fase hau gogoz aurre egiteko.

Egin dituzten irakasgaiak eta hemen dituztenak guztiz desberdinak dira, adibidez, Life Management Skills, ikasleen bizitza antolatzera eta kudeatzera bideratuta dagoen ikasgaia.

Nerea Castillok, DBHko 4. mailako ikasleak, programa honek eskaintzen dion erraztasuna nabarmendu du, egiten dituen eskolaz kanpoko gainerako jarduerekin uztartu ahal izateko. Gainera, Amerikako hezkuntza-sistemaren funtzionamendua ezagutzeko aukera ematen dio, baina, batez ere, bere ingeles-maila nola hobetu den ikusi du. Nereak adierazi duenez, batxilergoa modalitate teknologikoan egiteko asmoa du hemen ikastetxean, eta Diploma Dualean Concepts of Engineering & Technology izeneko hautazko ikasgaietako bat aukeratuko du, ingeniaritzara eta teknologietara bideratua dagoena.

Diploma dualean parte hartzen duten ikasle guztiak alta emanda daude bai Amerikako hezkuntza-sisteman bai hemengoan ere, eta, horri esker, bi batxilergoak batera egin ditzakete, online eta Amerikako bertako irakasleekin batera.

2023-24 ikasturterako matrikulazio berriak!

Programa honetan parte hartu nahi duzu? Badugu data datorren 23-24 ikasturteko hitzaldi informatiborako! Martxoaren 23an, 18:30etan, aurkezpen bat egingo dugu, azken urteotan hain eskatua izan den modalitate akademiko honi buruzko informazio guztia emateko.

Zuen zain gaude!