1. Batxilergo Teknologikoko ikasleak First Lego League hezkuntza-robotikako lehiaketan parte hartzeko prestatzen ari dira. Nazioarteko programa horren helburua gazteen artean zientziarekiko eta teknologiarekiko interesa piztea da. Lehiaketak hiru zati ditu: alde zientifikoa, alde robotikoa eta, azkenik, balioen zatia.
Urtero aldatzen doa gaia, eta ikasturte honetan energia berriztagarriak izatea proposatu dute. Eta horiek prestatu ahal izateko, ikasleak hainbat jarduera egiten ari dira, hala nola Berrizko aterpetxe batean bi egun igarotzea beren proiektuen lanean murgilduta egon ahal izateko, edo Neiker enpresara egindako bisita, Innovation Seaweed Sources Team (I.S.S. Team) taldeko 10 ikaslek egin zutena, beren lan zientifikoa egin ahal izateko, hau da, mikroalgak landu eta energia lortzeko erabili ahal izateko.
Eta azken urrats gisa, gaur proba pilotu bat egin dute irakasleek, ikasle ohiek eta familiek osatutako epaimahai baten aurrean. Bertan, beren lanak lehiaketa bera balitz bezala aurkeztu behar izan dituzte, martxoaren 4ko lehiaketan zein taldek parte hartuko duten erabakitzeko.
