Ausolan enpresaren hezkuntza-proiektuaren barruan, hiruhileko honetan hainbat plater dastatu ditugu DBHko 1. eta 2. mailako ikasleekin, eta orain Lehen Hezkuntzako 4. mailako ikasleekin ere egiten ari gara. Horrela, menuen garapenean parte hartzen dute ikasleek, euren iritziak eta proposamenak jasotzen ditugu, ezaugarri organoleptikoak baloratzen hasten dira, autonomia eta erabakiak hartzea sustatzen ditugu, eta jantokia lankidetzazko ikaskuntzarako gune bihurtzen dugu.
Plater bakoitzaren aurrean, ikasleek hasierako balorazio ORGANOLEPIKOA egiten dute (bisuala, usaimena, dastamena eta testurakoa). Beren iritziak dastatze-fitxa batean erregistratzen dira, eta bertan, beren balorazioa osatzeko beharrezkotzat jotzen duten guztia idatz dezakete. Sukalde-jangelako taldeak, bere aldetik, balorazio hori jasotzen du eta emaitzak kontuan hartzen ditu menuan plater berriak edo horiek egiteko modu berriak gehitzerakoan.
Proiektu honetan, halaber, ikasleak gonbidatzen ditugu sukaldeko instalazioak bisitatzera, bertatik bertara ezagut dezaten egunero egiten ditugun menuak non eta nola egiten diren, Manu Elguezabal sukaldeburuaren eskutik. Azken horrek prozesu osoa azaltzen die, lehengaiak sartzen direnetik produktua jangelaraino bidaltzen den arte.
Hezkuntza Proiektua
AUSOLAN enpresaren hezkuntza-proiektua, gure instalazioetan lan egiten duena, ikasleen ongizatean eta garapen egokian oinarritzen da, metodologia berritzailearekin eta hezkuntza-proposamen bereizgarriak eskainiz.
Bere proposamenak esan nahi du autonomia, sormena eta erabakiak hartzea sustatzen duten jarduerekin lagundu behar zaiola jantokiari. Manipulazio- eta esperimentazio-jarduerak proposatzen dituzte, elkarrekintza sortzaileari eta irudimenari bide emateko.
