Larunbat honetan, otsailaren 22an, First Lego League Euskadiren 16. edizioa ospatuko da, Lehen Hezkuntzako 4. mailako eta Batxilergoko 1. mailako ikasleek parte hartuko dutelarik. Guztira 170 eskola-taldek aurkeztuko dituzte 6 eta 16 urte bitarteko berrikuntza proiektuak eta robotak.

Nola prestatzen ari gara egun honetarako? Lehen Hezkuntzako 4. mailako ikasleek maketak eta lanak aurkeztu dizkiete aste honetan familiei, aste hauetan egin duten lana ikusi ahal izateko.

Bestalde, Batxilergoko 1. mailan, MicroFLL izeneko ikastetxeko lehiaketa birsortu dute. Bertan, robotak martxan jarri eta euren lanak erakutsi zituzten, asteburu honetan jokatuko duten txapelketa handirako entrenamendu gisa.

Aurtengo erronka: Submerged

Submerged du izena aurtengo erronkak, eta, horrekin batera, pertsonek ozeanoak nola eta zergatik esploratzen dituzten ikasiko dute taldeek. Ozeanoaren gainazalaren azpian egiten ditugun aurkikuntzek erakusten digute ekosistema konplexu horrek nola sostengatzen duen etorkizun osasungarri bat han bizi diren landare eta animalientzat.

Nazioarteko hezkuntza-programa hau Innobasque Berrikuntzaren Euskal Agentziak, Deustuko Unibertsitateak, Mondragon Unibertsitateak eta UPV/EHUk antolatzen dute Euskadin.

Hemendik zorte handia opa diegu parte hartu duten ikasleei!

Bazkideen gunean erakusketen argazkiak dituen galeria bat aurkituko duzue.