Ikasturte honetan gure Bizikidetza Plana berritzea dugu helburu, Eskola Inklusiboa eta Ongizatea proiektuaren barruan dagoena. Eta hori abian jartzeko, guretzat Bizikidetza eta Ongizatea zer diren hausnartzen hasi gara. Nola ez, gure kooperatiba osatzen duten pertsona guztien parte-hartzearekin!

Alde batetik, urriaren 24an, gogoeta-saio bat egin zuten Lehen Hezkuntzako 6. mailatik Batxilergoko 2. mailara bitarteko ikasleen ordezkariek, eta oso ideia interesgarriak atera ziren: laguntza eta elkar zaintzea, botoa eta iritzia izatea, osasun mentala zaintzea...

Eta atzo familiei, irakasleei eta irakasle ez diren langileei egokitu zitzaien txanda, taldeka lan egin baitzuten ikasleek proposatutako Bizikidetza Positiboaren definizioa aberasteko. 14 pertsonek osatutako talde horretan, ikasleek proposatutako 3-4 ideia interesgarrienak aukeratu zituzten (errespetua, hezkuntza emozionala, aniztasunarekiko integrazioa, komunikazioa, segurtasun-sentimendua, mugak eta arauak ezartzea), eta beste batzuk ekarri zituzten, hala nola: konfiantza-sentimendua, konpromisoa eta erantzunkidetasuna.

Oso pozik gaude egindako lanarekin eta atera ziren ideia guztiekin. Ideia horiekin lanean jarraituko dugu gure ikastetxean bizikidetza hobetzeko.